Ermənistanda kütləvi dava: bıçaqlananlar var

İrəvanda kütləvi dava olub. Onlarla adamın iştirakı ilə baş verən davada üç nəfər yaralanıb.

Bu barədə “Shamshyan.com” məlumat yayıb.

Qeyd olunur ki, dekabrın 4-də saat 23:20-də Ermənistan tibb mərkəzindən polisə bıçaq xəsarətləri ilə 3 vətəndaşın gətirildiyi barədə məlumat daxil olub. Müəyyən edilib ki, Aştark avtomobil yolunun bir hissəsində dava düşüb və nəticədə bu, gənclərin böyük bir qrupunun iştirakı ilə əlbəyaxa davaya çevrilib.

Zərərçəkmişlərin vəziyyəti ağırdır, cinayət işi açılıb.