Poroşenkonun oğlu axtarışa verildi - Səbəb

Ukraynanın eks-prezidenti Pyotr Poroşenkonun oğlu Aleksey Poroşenko hərbi komissarlığa gəlmədiyi üçün axtarışa verilib.

Axar.az xəbər verir ki, bu barədə Ukraynanın “Strana” nəşri məlumat yayıb.

Bildirilir ki, Aleksey Poroşenko iki dəfə - sentyabrın 4-də və oktyabrın 21-də hərbi komissarlığa çağırılıb, lakin o, hər iki çağırışa məhəl qoymayıb. O, ehtiyatda olan leytenantdır.

Məlumata görə, Aleksey Poroşenko həyat yoldaşı və iki uşağı ilə birlikdə ya Londonda, ya da Sinqapurda yaşayır. O, atasından miras qalan Ukraynada yerləşən ailə biznesini uzaqdan idarə edir.