Yunanıstan Ermənistana S-300-lər göndərir

Yunanıstan Ermənistana S-300 və bu ölkənin hava hücumundan müdafiə sistemində istifadə edilən Rusiya istehsalı daha iki sistemi təhvil vermək və onları İsrail sistemlərlə əvəz etmək niyyətindədir.

Axar.az xəbər verir ki, bu barədə Yunanıstan mediası yazıb.

“Enikos.gr” portalının mənbəyə istinadla qeyd edib ki, Yunanıstan Silahlı Qüvvələri Rusiya silah sistemlərini öz arsenalından çıxarmaq və köhnə sistemləri radikal şəkildə yeni Qərb texnologiyaları ilə əvəz etməyi hədəfləyir.

Nəşr vurğulayıb ki, əvvəllər bu sistemlərin Ukraynaya verilə biləcəyi güman edilirdi, lakin Baş Qərargah başqa alternativləri nəzərdən keçirir.