Qırğızıstanda qar uçqunu - 6 nəfər itkin düşdü
Dərc olunub:
Dünən, 11:46
Qırğızıstanda qar uçqunu nəticəsində insanlar itkin düşüb.
Avrasiya.net xarici KİV-ə istinadən xəbər verir ki, bu barədə ölkənin Fövqəladə Hallar Nazirliyi məlumat verib.
Cəlal-Abad vilayətinin Çatkal rayonunda Ak-Sai dağı yaxınlığında qar uçqunu nəticəsində 6 nəfərin itkin düşdüyü və axtarış işlərinin getdiyi bildirilib.
Xatırladaq ki, oktyabrın 9-da 14 nəfərdən ibarət qrup dağlara çıxıb. Aparılan axtarış nəticəsində onlardan 8 nəfər tapılıb. Qalan 6 nəfərin axtarışlarının isə davam edir.
