Ukrayna kəşfiyyatı Rusiya casusu olan deputatı HƏBS ETDİ
Dərc olunub:
31-01-2023, 11:59
Ukrayna Təhlükəsizlik Xidməti tərəfindən Rusiyanın nəfinə casusluq edən şəxs tutulub.
"Unian"xəbər verir ki, casus Seversk şəhər sovetinin deputatı olub.
Məlumata görə, deputatın Baxmut şəhərində ötən ilin oktyabrından bəri kəşfiyyat məlumatları topladığı, Ukrayna Silahlı Qüvvələrinin dislokasiya yerləri barədə informasiya yığdığı barədə faktlar aşkarlanıb.
Həmçinin casus kritik infrastruktura daxil olan yerli obyektlərin, o cümlədən enerji nöqtələrinin koordinatlarını Rusiya qüvvələrinə "Telegram" vasitəsilə ötürüb. Bildirilib ki, Ukrayna ərazilərinə raket zərbələri endirilməsi üçün Moskva bu informasiyalardan istifadə edib.
Hazırda hüquqi prosedurlar və araşdırmalar davam etdirilir.