Ruslar ermənilərə iki maşın karvanı ilə yardım apardı
Dərc olunub:
26-01-2023, 07:46
Rusiya sülhməramlı kontingentinin hərbçiləri Xocavənd və keçmiş Əsgəran şəhərlərində erməni əhalisinə ərzaq paylayıb.
Bu barədə Rusiya Müdafiə Nazirliyi məlumat yayıb.
”Rusiya sülhməramlı kontingenti humanitar yükləri daşıyan iki avtomobil karvanını müşayiət edib: bir karvan Gorus-Xankəndi, digəri Erebuni-Xankəndi marşrutu üzrə”, - məlumatda deyilir.
Maşın karvanlarında nə qədər maşın olduğu və nə qədər ərzaq yardımı paylandığı açıqlanmayıb.
Qeyd edək ki, Laçın-Xankəndi yolunda təşkil olunan aksiyanın 45-ci günündə də Rusiya sülhməramlılarına məxsus avtomobillər aksiya ərazisindən maneəsiz keçirlər. Ötən gün ərzində 61 avtomobilinin maneəsiz keçməsinə şərait yaradılıb.
