Avropa İttifaqı diplomatik akademiya yaradır
Dərc olunub:
27-08-2022, 09:39
Avropa İttifaqı (Aİ) Avropa Diplomatik Akademiyasının yaradılması üzrə pilot layihəyə başlayır. Bu layihə Aİ-nin prinsipləri və maraqlarının dünyada təşviqi üçün kadr bazasına çevrilmək məqsədi daşıyır.
Avrasiya.net xəbər verir ki, bu barədə Aİ-nin xarici işlər və təhlükəsizlik siyasəti üzrə ali nümayəndəsi Jozep Borrell bildirib.
"Mürəkkəb böhranların yaşandığı daha mürəkkəb dünyada Aİ-nin diplomatik səsinin daha yüksək səslə eşidilməsinə ehtiyac var", - Borrel deyib.
Tədris kursu Aİ-nin Brüsseldəki Avropa təsisatlarında, həmçinin NATO kimi Avropanın xarici və təhlükəsizlik siyasəti ilə bağlı təşkilatlarda müntəzəm təcrübəni əhatə edəcək.