İstanbulda dolu, leysan: həyat iflic oldu
Dərc olunub:
27-08-2022, 07:59
İstanbulda günorta saatlarından sonra başlayan leysan həyatı iflic edib.
Başakşehir bölgəsində yağışla birgə güclü dolu yağıb.
Əsənyurdda isə daşqınlar avtomobillərin yollarda qalmasına səbəb olub və nəticədə yüzlərlə sərnişin köməksiz vəziyyətdə qalıb.
Bundan əlavə, bəzi binaların aşağı mərtəbələri tamamən su ilə dolduğundan insanlar evlərini tərk etməyə məcbur olublar.
Hazırda müvafiq qurumlar fəsadların aradan qaldırılması istiqamətində iş aparır.