Rusiyanın 17 milyardlıq hərbi texnikası məhv edilib
Ukraynaya qarşı genişmiqyaslı hərbi əməliyyatların başlamasından bəri Rusiya raketlər istisna olmaqla, 16,56 milyard dollar dəyərində 12 142 ədəd texnika itirib.
Avrasiya.net xəbər verir ki, bu barədə “Forbes Ukraine” nəşri məlumat yayıb.
Rusiyanın itkilərinin siyahısını təqdim edirik:
- Qara dəniz donanmasının flaqmanı - aprel ayının ortalarında Ukraynanın "Neptun" raketləri tərəfindən vurulan 750 milyon dollarlıq "Moskva" raket kreyseri;
- Fevralın sonunda Kiyev vilayətinin Vasilkovo səmasında hava hücumundan müdafiə qüvvələri tərəfindən vurulan 86 milyon dollarlıq İl-76 desant təyyarəsi;
Həmçinin İlan adasında və ətraf sularda Ukrayna 165 milyon dollar dəyərində Rusiya texnikasını və gəmilərini məhv edib. Xüsusilə, dəyəri 100 milyon dollardan yüksək olan "Tor", "Pantsir" və "Strela" tipli səkkiz zenit sistemi sıradan çıxarılıb.
