Ruslar cənubda itki verərək geri çəkildilər
Dərc olunub:
16-08-2022, 10:10
Zelyonıy Qay-Novoqriqoriyevka istiqamətində ruslar hücum əməliyyatları keçirməyə çalışıblar. Ukraynalı müdafiəçilər düşməni itkilər verərək geri çəkilməyə məcbur ediblər.
Bu barədə Ukrayna Silahlı Qüvvələri Baş Qərargahı məlumat yayıb.
“Yujnobuqski istiqamətində düşmən təmas xətti boyunca tanklardan və artilleriyadan atəş açmaqla yanaşı, Belaya kolodets, Andreyevka və Lozovoye yaxınlığında ordu və hücum təyyarələrindən istifadə edib. Raket və artilleriya bölmələri düşmənin canlı qüvvəsini və sursat anbarlarını sistemli şəkildə məhv etməkdə davam edir”, - o bildirib.
