Özbəkistandakı iğtişaşlarda ölənlərin sayı AÇIQLANDI
Dərc olunub:
4-07-2022, 13:56
Özbəkistanın Qaraqalpaqıstan muxtar respublikasında baş vermiş iğtişaşlar nəticəsində 18 nəfər həlak olub.
Bu barədə Özbəkistan Baş Prokurorluğundan bildirilib.
Qeyd olunub ki, iyulun 1-2-də muxtar respublikanın mərkəzi Nukus şəhərində baş vermiş hadisələrdə 243 nəfər, o cümlədən hüquq-mühafizə orqanlarının 38 əməkdaşı yaralanıb. Hazırda xəstəxanalarda 94 nəfər müalicə olunur.
Xatırladaq ki, Qaraqalpaqıstanın bir neçə şəhərində Özbəkistanda təklif olunan konstitusiya dəyişikliklərinə etiraz olaraq aksiyalar keçirilib. Aksiya daha sonra iğtişaşlara çevrilib.
Ötən gün Özbəkistan rəhbərliyi vəziyyətin nəzarət altında olduğunu bəyan edib.