Məşhur jurnalist axtarışa verildi
Dərc olunub:
4-05-2022, 15:39
Rusiya Federasiyasının Daxili İşlər Nazirliyi məşhur rusiyalı teleaparıcı və publisist Aleksandr Nevzorovu beynəlxalq axtarışa verib.
Bu barədə Rusiyanın "İnterfaks" agentliyi məlumat yayıb.
Agentlik bildirib ki, mayın 4-də Nevzorovun vəsiqəsi Rusiya Daxili İşlər Nazirliyinin axtarışında olan şəxslərin məlumat bazasında peyda olub.
Qeyd edək ki, Nevzorov aprelin 19-da özünün İnstaqram səhifəsində Ukraynaya qarşı döyüşən və əlində unitaz olan rus əsgərinin şəklini yerləşdirib. O, şəklə “Rus əsgəri-quldur” adı verib.
“Putinin Ukraynadakı müharibəsi Rusiyanın başladığı ən biabırçı savaşdır”, - deyə Nevzorov bildirib.
Müharibə başlayandan sonra İsrailə köçən jurnalist rəsmi Moskvanın ən qatı tənqidçilərindəndir.