Patriarx Kirillə qarşı sanksiyalar hazırlanır
Avropa İttifaqı Rus Pravoslav Kilsəsinin Patriarxı Kirillə qarşı sanksiyalar tətbiq edə bilər.
Bu barədə “Frans Press” Agentliyi Avropa Komissiyasının Rusiyaya qarşı yeni sanksiyalarla bağlı müvafiq sənədinə istinadən məlumat yayıb.
“Avropa Komissiyası Rusiyaya qarşı son iqtisadi tədbirlər dalğası çərçivəsində Rus Pravoslav Kilsəsinin rəhbəri Patriarx Kirillə qarşı sanksiyalar təklif edib”, - xəbərdə deyilir.
Ukraynalı keşişlər Patriarx Kirillə qarşı məhkəmə iddiası ilə yüzlərlə imza toplayıblar.Müraciətin təşəbbüskarları israr edirlər ki, Kiril “mənəvi cinayət törədib”, Moskva Patriarxının təbliğ etdiyi “Rus dünyası” doktrinası isə “pravoslav təliminə uyğun gəlmir və bidət kimi pislənməlidir”.
Rus Pravoslav Kilsəsinin rəhbəri Kirill dəfələrlə Rusiya Federasiyasının Ukraynaya qarşı müharibəsinə haqq qazandırıb.
O, daha əvvəl də iddia etmişdi ki, “Ukrayna səkkiz ildir ki, Donbası dağıtmağa və orada gey-paradlar keçirməyə çalışır”.
