İranda saxta spirtli içkidən 5 nəfər öldü

İranın Hörmüzqan vilayətinin Bəndər Abbas şəhərində saxta spirtli içkidən 48 nəfər zəhərlənib.

Bu barədə vilayətin Tibb Fakültəsinin İctimaiyyətlə Əlaqələr üzrə direktoru Fatma Nevruziyan məlumat yayıb.

O bildirib ki, zəhərlənənlərdən beşi ölüb, 11 nəfərin vəziyyəti ağırdır, üç nəfər isə görmə qabiliyyətini itirib.

Polis saxta içki istehsal edən şəxslərin müəyyənləşdirildiyini və indiyədək 8 nəfərin nəzarətə alındığını açıqlayıb.