Sizin Reklam Burada

Quzey Kıbrıs Türk Dövlətləri Təşkilatında təmsil olunmaq niyyətindədir

Quzey Kıbrıs Türk Dövlətləri Təşkilatında təmsil olunmaq niyyətindədirQuzey Kıbrıs Türk Cümhuriyyətinin (KKTC) Prezidenti Ersin Tatar KKTC-nin müşahidəçi dövlət kimi Türk Dövlətləri Təşkilatında öz layiqli yerini tutmasının vacibliyini vurğulayıb.

Avrasiya.net bildirir ki, Ersin Tatar Beynəlxalq Türk Mədəniyyəti Təşkilatının (TÜRKSOY) qonağı olaraq səfərdə olduğu Bursadakı görüşlərini başa çatdırıb.

Prezident görüşləri ilə bağlı verdiyi açıqlamada, “Ana Vətən Türkiyə Cümhuriyyəti və türk dövlətləri arasında əlaqələri gücləndirmək üçün bu cür fəaliyyətlərin təşkilinə böyük əhəmiyyət verdiyimi ifadə etmək istərdim”, deyib.

Tatar TÜRKSOY-un qonaq qismində səfər etdiyi Bursada keçirilən “Bursa-2022 Türk Dünyasının Mədəniyyət Paytaxtı Açılış Mərasimində” iştirak edərək, Türkiyə və türk cümhuriyyətlərinin rəsmiləri ilə görüşməkdən çox məmnun olduğunu bildirib:

“Vurğulamaq istərdim ki, Osmanlı dövlətinin ilk paytaxtı, sənayesi, kənd təsərrüfatı və ticarəti ilə Türkiyə Cümhuriyyətinin ən əhəmiyyətli və ən böyük şəhərlərindən biri olan Bursanın Türk Dünyasının Mədəniyyət Paytaxtı seçilməsi çox düzgün və məqsədəuyğun bir qərar idi.

Quzey Kıbrıs Türk Cümhuriyyətini gücləndirmək və inkişaf etdirməyin Bursadakı təmaslarım zamanı Şərqi Aralıq dənizində Türkiyə Cümhuriyyəti ilə Kıbrıs türk xalqı arasında onların hüquq və mənafelərinin qorunmasında əməkdaşlığın nə qədər əhəmiyyətli olduğunu bir daha təkrarlamaq imkanım oldu.

Bu münasibətlə KKTC-nin müşahidəçi dövlət kimi Türk Dövlətləri Təşkilatında öz layiqli yerini tutmasının nə qədər vacib olduğunu bir daha vurğulamaq istərdim.

Türk dünyası ilə sevgi və qardaşlıq əlaqələrinin güclənməsinin yaratdığı böyük potensialın fərqində olan bir prezident kimi türk dövlətləri birliyinin bir parçası olduğumuz üçün çox xoşbəxt olduğumu bir daha qeyd etməkdə fayda var. Ana Vətənimiz Türkiyə Cümhuriyyəti və türk dövlətləri arasında əlaqələri gücləndirmək üçün belə təşkilatların təşkilinə böyük əhəmiyyət verdiyimi bildirmək istəyirəm.

Ümid edirəm ki, bu, ən yüksək səviyyədə təmsil olunduğumuz belə geniş tədbirlərinin davamı və haqq işimizi dost dövlətlərin nümayəndələrinə çatdırmaqdır”.

Добавить комментарий

Оставить комментарий

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
yenilə, əgər kod görünmürsə

Xəbər lenti


Son xəbərlər