Rusiya bir ayda 16 mindən çox hərbçisini itirib
Dərc olunub:
25-03-2022, 13:51
Ukrayna Rusiya ordusunun hərbi itkilərini açıqlayıb.
Avrasiya.net xəbər verir ki, bu barədə Ukrayna Müdafiə Nazirliyi yeni məlumat yayıb.
Qeyd edilib ki, fevralın 24-dən bu gün səhər saatlarına qədər Rusiya ordusunun 561 tankı, 1625 ədəd zirehli döyüş maşını, 291 artilleriya sistemi, 90 reaktiv yaylım atəş sistemi, 49 havadan müdafiə sistemi, 115 hərbi təyyarəsi, 125 helikopteri, 1089 avtomobil texnikası, 5 gəmi/kater, 72 yanacaq çəni, 53 dronu, 18 xüsusi avadanlığı məhv edilib.
Ukrayna Müdafiə Nazirliyi döyüşlər zamanı Rusiya tərəfinin təxminən 16 100-ə yaxın canlı qüvvəsini itirdiyini bəyan edib.
Xatırladaq ki, fevralın 24-ü səhər saatlarında Rusiya Ukraynada müharibəyə başlayıb.
