Azərbaycana casusluqda suçlanan erməni partiya sədri həbsdən çıxdı
Dərc olunub:
18-03-2022, 16:42
Ermənistanda “Milli Təhlükəsizlik” partiyasının rəhbəri Qarnik İsaqulyan 10 milyon dram girov müqabilində sərbəst buraxılıb.
Modern.az Ermənistan KİV-nə istinadən xəbər verir ki, məhkəmə həbs-qətimkan tədbirinin dəyişdirilməsi ilə bağlı müdafiə tərəfinin vəsatətini təmin edib.
İsaqulyan 2021-ci ilin dekabrında həbs edilmişdi.
Xatırladaq ki, Ermənistanın Ukraynadakı hazırkı səfiri, baş nazir Nikol Paşinyanın keçmiş mətbuat katibi Vladimir Karapetyan İsaqulyan barəsində “Azərbaycan və Türkiyə xüsusi xidmət orqanları tərəfindən ələ alınıb” ittihamla çıxış etmişdi. Onu elə məhz həmin bəyanatdan sonra həbs etmişdilər.