Saakaşviliyə görə ara qarışdı: Çox sayda saxlanılan var
Tbilisidə ictimai fəallar və müxalif "Vahid Milli Hərəkat" partiyasının tərəfdarları Hökumət Administrasiyasının qarşısında etiraz aksiyası keçirir.
Etirazçılar həbsdə olan Gürcüstanın üçüncü prezidenti Mixail Saakaşvili ilə görüşlərə icazənin verilməsini və ona lazımi tibbi yardımın göstərilməsini, eləcə də baş nazir İrakli Qaribaşvili ilə görüş tələb edirlər.
Yolu bağlamaq istəyən nümayişçilərlə polis arasında baş verən qarşıdurmada 8 nəfər aksiyaçının saxlanıldığı öyrənilib.
Onlar aksiyaların dayanmayacağını və davamlı olacaqını bildiriblər.
Məlumat üçün bildirək ki, fevralın 21-də Mixail Saakaşvili müddətsiz aclıq aksiyasına başlayacağını bəyan edib. O, şəxsi həkimin həbsxanaya buraxılmasını, eləcə də adekvat müalicə olunmasına icazə verilməsini tələb edir.
