Daha bir erməni azıb Azərbaycanın nəzarətindəki əraziyə keçdi

Daha bir erməni azıb Azərbaycanın nəzarətindəki əraziyə keçdiRusiya sülhməramlılarının nəzarətində olan Laçın şəhərində məskunlaşmış mülki erməni “sakin” yanvarın 14-də azaraq, Azərbaycan Ordusunun nəzarət etdiyi əraziyə keçib.

Avrasiya.net Ermənistan KİV-lərinə istinadən xəbər verir ki, yayılan məlumata görə, guya, 69 yaşlı erməninin psixi sağlamlığında problemlər var.

1953-cü il təvəllüdlü Andranik Aleksanyanın geri qaytarılması üçün tədbirlər görüldüyü bildirilir.

“Hadisə barədə dərhal Rusiya sülhməramlılarına məlumat verilib. Hazırda Azərbaycan tərəfi ilə danışıqlar aparılır”, - məlumatda deyilir.

Xatırladaq ki, dünən Zəngəzur bölgəsində yolu azaraq Azərbaycana keçmiş bir mülki erməni Ermənistan tərəfinə təhvil verilib.