Gürcüstanda seçkilərə 50 partiya qatılacaq
Dərc olunub:
9-08-2021, 08:48
Gürcüstanda yerli özünüidarəetmə orqanlarına və bəzi şəhərlərin meri vəzifəsinə oktyabrın 2-də keçiriləcək seçkilərdə 50 siyasi partiya iştirak edəcək.
Avrasiya.net gürcü mətbuatına istinadən xəbər verir ki, bu barədə Gürcüstan Mərkəzi Seçki Komissiyası (MSK) məlumat yayıb.
MSK artıq siyasi partiyaların seçkilərdə iştirak üzrə sıra nömrələrini müəyyən edib.
Hakim “Gürcü Arzusu-Demokratik Gürcüstan” Partiyası seçkilərdə 41-ci, əsas ana müxalifət hesab edilən “Vahid Milli Hərəkat” partiyası 5-ci nömrə altında çıxış edəcək.
