Tiflis yenidən qarışıb

Gürcüstan parlamentinin Prossesual və hüquq məsələləri komissiyası Vahid Milli Hərəkat Partiyasının sədri Niki Meliyanın deputat toxunulmazlığının dayandırılması ilə bağlı müzakirəyə başlayıb.

Avrasiya.net xəbər verir ki, bu məlumatı Gürcüstan mətbuatı yayıb. Komissiyanın iclası bitdikdən sonra onun plenar iclasda səsverməyə çıxarılacağı bildirilib.

Mətbuat, həmçinin artıq Meliyanın tərəfdarlarının parlament qarşısına toplandığını və aksiyaya başladığını yazıb.

Qeyd edək ki, Meliya “Qavrilov gecəsi” zamanı parlamentə hücumun təşkilatçılığında ittiham edilib. O, məhkəmənin təyin etdiyi girovu ödəməkdən imtina etdiyi üçün ölkə prokurorluğu onun həbsini tələb edir.