Ukrayna bu ərazilərə texnika yığır: Müharibə hazırlığı
Dərc olunub:
12-02-2021, 08:10
Cəbhədə aktivliyin artması səbəbindən 2020-ci ilin iyulundan bəri Donbasda davam edən atəşkəs başa çata bilər.
Axar.az xəbər verir ki, bunu Donetsk separatçılarının keçmiş başçısı İqor Qirkin deyib.
Qirkinin sözlərinə görə, Ukraynanın nəzarət etdiyi ərazilərdə mövqelərin möhkəmləndirilməsi açıq-aydın görünür:
“Hərbi qulluqçularla dolu maşınlar Opıtnıy, Butovka, Promzona istiqamətinə doğru gedir. Dəmir yolunda maskalanmış özüyeriyən artilleriya qurğuları və digər artilleriya vasitələri aşkar olunub. Platformalarda tank və PDM-lər də var”, - Qirkin bildirib.
Onun sözlərinə görə, Qorlovka şəhəri istiqamətinə Ukrayna hərbi texnikası yeridilir. Separatçı hesab edir ki, bütün bunlar böyük hərbi əməliyyatlara hazırlığı göstərir.