İrəvanda dəhşətli partlayış: Paşinyan hadisə yerində...

İrəvanın Kanaker-Zeytun rayonundakı yaşayış binasında partlayış baş verib.

Axar.az xəbər verir ki, bu barədə Ermənistan Fövqəladə Hallar Nazirliyindən məlumat verilib.

“Partlayış nəticəsində yaşayış binasının 12 mənzili dağılıb. 19 sakin dağıntılar altından çıxarılıb. Xilasedicilər dağıntılar altında qalan yaralılardan ikisini çıxarmağa müvəffəq olublar. Bir sakin itkin düşüb. Xilasetmə işləri davam etdirilir”, - məlumatda bildirilib.

Partlayışın qaz sızmasından baş verdiyi bildirilir.

Hadisə yerinə Ermənistanın Baş naziri Nikol Paşinyan, Səhiyyə naziri Arsen Torosyan və digər hökumət rəsmiləri gəlib.