SEPAH komandanı ABŞ-ı hədələdi
Dərc olunub:
23-04-2020, 15:34
“İran hərbçiləri ölkənin təhlükəsizliyini təhdid edən ABŞ gəmilərini vuracaq”.
Avrasiya.net xəbər verir ki, bunu İslam İnqilabı Keşikçiləri Korpusunun (SEPAH) komandanı Hüseyn Salami IRINN telekanalına açıqlamasında deyib.
ABŞ-a qarşı cavabın gecikməyəcəyini bildirən komandanın sözlərinə görə, amerikalılar bir neçə dəfə bunun şahidi olublar:
“ABŞ hərbi gəmiləri bizim hərbi və mülki gəmilərimizə təhlükə yaradacağı təqdirdə, dəniz qüvvələrinə onlara zərbə endirmək əmri vermişik”.
Qeyd edək ki, ABŞ Prezidenti Donald Tramp özünün tvitter səhifəsində Fars körfəzində Amerika gəmilərinə təhlükə yaradacaq İran hərbi gəmilərinin məhv edilməsi barədə hərbi dəniz qüvvələrinə təlimat verdiyini yazıb.
