“Turan” musiqi qrupu göz qamaşdırdı
Azərbaycanın Gəncə şəhərində 2022-ci ildə Elşad Ələkbərovun rəhbərliyi ilə yaradılan “Turan” musiqi qrupu, Türk dünyasının qapılarını musiqisevərlərə açmağa davam edir.
Ötən axşam Gəncə Hotel-də səhnə alan qrup, Türkiyənin Adana, Maraş və Osmaniye şəhərlərindən gələn qonaqlara unudulmaz musiqi ziyafəti təqdim etdi. Tədbirdə “Diriliş Ertuğrul” musiqisi, Mehter Marşı və Azərbaycanın sevilən nəğmələri böyük rəğbətlə qarşılandı.
Gecənin aparıcılığını Serdar Şəngül edib. Turizm və iş dünyasının tanınmış simaları böyük coşqu ilə qarşılanıb. Qonaqlar həm Türk, həm də Azərbaycan mədəniyyətinin bir araya gəldiyi bu xüsusi gecədə musiqinin birləşdirici gücünü doyunca yaşayıblar.
“Turan” musiqi qrupu səhnədəki enerjisi, zəngin repertuarı və mədəni körpü yaradan çıxışı ilə bir daha Türk dünyası sənət bağlarını nümayiş etdirib.
