"Həyat mənimdir, necə istəsəm onu elə də yaşayaram"

Müğənni Aysun İsmayılova şəxsi həyatından danışıb.

Sənətçi instaqram səhifəsində izləyicilərdən gələn sualları cavablayıb.

Bir müddət əvvəl vəkil Ramil Vəliyevdən boşandığını açıqlayan Aysun "İkinci dəfə şans vermək olar?" sualına "Pislərə davamlı şans vermək, yaxşılara xəyanətdir" deyə cavab verib.

"Qarşınıza düzgün biri çıxsa yenidən ailə qurarsınız?" sualına İsmayılova belə reaksiya verib:

"Düzgün biri çıxsa! Bunu düşünmək çox tezdir, çünki mənim övladım var. Amma mən ailə insanıyam. Yəni sevgili həyatı mənə görə deyil".

Digər izləyicinin "Yenidən ailə həyatı qursanız qınanılmaqdan qorxmursunuz?" sualına Aysunun münasibəti bu cür olub:

"Həyatımı kimlərəsə görə yaşamıram. Həyata bir dəfə gəlirəm. Həyat mənimdir, necə istəsəm onu elə də yaşayaram. Heç kim buna qarışa bilməz. O qınayanların həyatında bir bilsəniz nələr baş verir"

Qeyd edək ki, Aysun iki dəfə ailəli olub. Onun ikinci nikahından bir neçə ay əvvəl qız övladı dünyaya gəlib. /Olay.az