Hindistan səfirliyi “Atəşgah” Məbədində yoqa sessiyası təşkil edib
Hindistanın Azərbaycandakı Səfirliyi 7 iyun 2023-cü il tarixində Atəşgah Məbədi Dövlət Tarix-Memarlıq Qoruğunda ictimaiyyət üçün açıq yoqa sessiyası təşkil etməklə Hindistan və Azərbaycan arasında mədəni bağları bir daha vurğulayıb. Tədbirə yoqaya marağı olan 130-a yaxın iştirakçı qoşulub.
Tədbirdə Atəşgah Məbədi Qoruğunun direktoru cənab Rəşid Babai iştirak edib. Yoqa seansını tanınmış təlimatçı cənab Elçin Quliyev aparıb.
Solmaz Əsgərovanın füsunkar ifasında ənənəvi hind rəqsləri tədbirin mədəni çalarını daha da gücləndirib.
Hind qonaqpərvərliyinin əlaməti olaraq iştirakçılara yoqa seansından sonra müxtəlif ləzzətli hind qəlyanaltıları təklif olunub.
Bu yoqa sessiyası Beynəlxalq Yoqa Günü çərçivəsində keçirilən tədbirlərdən biri olub. Səfirlik yoqanın çoxsaylı faydalarını nümayiş etdirən və Hindistan və Azərbaycan arasında mədəni əlaqələri təşviq edən bu cür təşəbbüsləri davam etdirməyi planlaşdırır.
