"Qocalma əlamətlərini indi hiss edirəm" - 94 yaşlı milyarder
Amerikalı milyarder, 94 yaşlı Uorren Baffet bildirib ki, qocalma əlamətlərini indi hiss edir.
O, bu barədə “The Wall Street Journal”a danışıb.
İş adamının sözlərinə görə, son dörd il ərzində o, vaxtaşırı müvazinətini itirib və enerji çatışmazlığından əziyyət çəkir. Bundan əlavə, milyarder yaddaş problemindən şikayətlənib. Qocalığın başqa bir xoşagəlməz əlaməti onun görmə qabiliyyətidir. Baffet bildirib, artıq qəzet oxuya bilmir.
"Mən 90 yaşımdan sonra qəribə bir səbəbdən qocalmağa başlamadım. Bilirəm ki, cavanlığım heç vaxt geri qayıtmayacaq", - milyarder bildirib.
Qeyd edək ki, Uorren Baffet “Berkshire Hathaway” maliyyə holdinqinin baş direktoru vəzifəsini tərk edəcəyini açıqlayıb. O,holdinqinə 62 yaşlı Qreq Abeli varis təyin edib.
150 milyard dollarlıq sərvəti dünyanın 3-cü ən zəngin adamı olan Baffet ötən il vəsiyyətini açıqlamışdı. Sərvətinin 99,5 faizini xeyriyyə işlərinə bağışlayan Buffetin mirasının bölüşdürülməsinin 10 il çəkəcəyi bildirilir.
"Unikal"
