Banklar 2 ayda faizlərdən 752,6 milyon manat gəlir əldə ediblər
Dərc olunub:
2-04-2025, 12:35
Bu il martin 1-nə Azərbaycanda fəaliyyət göstərən banklar faizlərdən 752.6 milyon manat gəlir əldə ediblər.
Avrasiya.net xəbər verir ki, Azərbaycan Mərkəzi Bankının açıqladığı statistikaya görə, ilin ilk iki ayında bankların faiz xərcləri isə 262.8 milyon manat olub. Nəticədə, banklar 481 milyon manat xalis faiz gəliri əldə ediblər.
Faiz gəlirlərinin böyük hissəsi kredit faizlərindən əldə olunub. Kredit götürənlər yanvar-fevral aylarında 593.4 milyon manat faiz ödəyiblər.
Banklar qazandıqları faizlərdən cəmi 197.6 milyon manatını banka depozit yerləşdirənlərə ödəyib.
