Əsgəranda sement zavodu açıldı
Dərc olunub:
23-10-2024, 09:37
Xocalı rayonunun Əsgəran qəsəbəsində “Azərbaycan İnvestisiya Şirkəti” ASC-nin həmtəsisçisi olduğu “Shahbulag Mining” MMC daha bir layihənin icrasına başlayıb.
Avrasiya.net xəbər verir ki, bu barədə iqtisadiyyat naziri Mikayıl Cabbarov məlumat verib.
Nazir bildirib ki, illik istehsal gücü 60 min ton olan “AzCement” sement zavodunda 70 nəfərin işlə təmin edilməsi nəzərdə tutulub: “Zavod işğaldan azad edilmiş ərazilərin infrastrukturunun və sənaye potensialının gücləndirilməsinə, regionun iqtisadi inkişafına töhfə verəcək”.
