Şabranlı məktəbli Azərbaycanın boks tarixində ilkə imza atıb
Dərc olunub:
28-10-2025, 19:22
Monteneqronun Budva şəhərində boks üzrə keçirilən U-15 Avropa çempionatında Şabran şəhər Roman Yusifov adına 2 saylı məktəb-liseyin lX sinif şagirdi Xumar Cəfərli fəxri kürsünün ən yüksək pilləsinə qalxıb. O, finalda Yağmur Eryurtu (Türkiyə) 5:0 hesabı ilə məğlub etməklə Budvada Azərbaycan Himnini səsləndirib.
Bu qızıl medal ölkəmiz üçün əlamətdar olub. Boks tariximizdə ilk dəfə qız idmançı U-15 Avropa çempionatının qalibi adına yiyələnib.
