"Qarabağ" dünya reytinqində irəlilədi
Dərc olunub:
12-10-2025, 11:41
"Qarabağ" klubu dünya reytinqində daha 14 pillə irəliləyib.
Avrasiya.net xəbər verir ki, bu, Beynəlxalq Futbol Tarixi və Statistikaları Federasiyasının (IFFHS) açıqladığı siyahıda əksini tapıb.
171 xalı olan Azərbaycan çempionu 96-cı sıradan 82-ci yerə qalxıb. "Köhlən atlar" ötən ay 38 pillə irəliləmişdi.
"Sabah" (81 xal) 302-dən 296-ya yüksəlib.
"Araz-Naxçıvan" (66.5) 355-dən 391-ə, "Zirə" (65.5) isə 380-dən 407-yə düşüb.
Qeyd edək ki, 501 klubun yer aldığı siyahıda Fransa təmsilçisi PSJ 537 xalla liderdir.
