"Beşiktaş” Sulşeri qovdu
Dərc olunub:
29-08-2025, 03:48
“Beşiktaş” baş məşqçisi Ole Qunnar Sulşerlə yolları ayırıb.
Avrasiya.net xəbər verir ki, bu barədə klubun mətbuat xidməti məlumat yayıb.
Konfrans Liqasının pley-off mərhələsinin “Lozanna” ilə İstanbulda keçirilən cavab matçındakı məğlubiyyət (0:1) norveçli mütəxəssisin qovulması ilə nəticələnib.
Komandalar İsveçrədəki oyunda 1:1 hesablı heç-heçə etmişdi. Bugünkü nəticədən sonra “Beşiktaş” avrokuboklarla vidalaşıb.
Qeyd edək ki, Sulşer bu ilin yanvarından “Beşiktaş”ı çalışdırırdı. Komanda onun rəhbərliyi altında 29 oyunda 15 qələbə qazanıb, 9 dəfə uduzub, 5 dəfə heç-heçə edib.
