Səudiyyə Ərəbistanından Vinisiusa 1 milyard avroluq müqavilə

Səudiyyə Ərəbistanının Dövlət İnvestisiya Fondu “Real”ın hücumçusu Vinisius Junioru yerli klublardan birinə transfer etmək istəyir.

Avrasiya.net qol.az-a istinadən xəbər verir ki, qurum 24 yaşlı hücumçuya 5 illik sözləşmə təklif etməyə hazırlaşır.

Əvvəllər Vinisiusun “Qızıl top”u alana qədər Avropanı tərk etməyəcəyi barədə məlumatlar ortaya çıxmışdı. O, bu il mükafatın favoritlərindən biridir. Səudiyyə ərəbistanlılarının fikrincə, bu, onlara danışıqlarda kömək edə bilər.

Vinisius Junior üçün mümkün müqavilənin əsas məqamları:

5 illik futbol müqaviləsi üçün 1 milyard avro;

2029-cu ildə növbəti klubunu seçmək azadlığı;

2034-cü il dünya çempionatı və Səudiyyə Ərəbistanı çempionatının səfiri rolu;

Karyerası bitdikdən sonra ölkədə yerli mövqe əldə etmək imkanı.

Xəbərdə bu da bildirilir ki, futbol ulduzları, xüsusilə Neymar və Kriştiano Ronaldo ilə yüksək büdcəli müqavilələr 2025-ci ilin yayında bitdiyi üçün Səudiyyə Ərəbistanı nümayəndələri bunu Vinisiusun gəlişi üçün fürsət kimi görürlər. Braziliyalının potensial klubları “Əl-Hilal”, “Əl-İttihad” və “Əl-Nəsr”dir.