"Qarabağ" "Ludoqrets"i darmadağın etməklə pley-offda!
UEFA Çempionlar Liqasının II təsnifat mərhələsində bu gün baş tutacaq “Ludoqorets” (Bolqarıstan) – "Qarabağ" matçından əvvəl komandaların start heyətləri açıqlanıb.
Avrasiya.net xəbər verir ki, "Ludoqorets Arena"da keçiriləcək oyun Bakı vaxtı ilə saat 22:00-da başlayacaq.
Komandalar meydana aşağıdakı heyətlə çıxacaqlar:
Qarabağ: Fabian Buntiç, Marko Veşoviç, Bəhlul Mustafazadə, Kevin Medina, Elvin Cəfərquliyev, Julio Romao, Marko Yankoviç, Leandro Andrade, Yassin Benzia, Abdullah Zubir, Juninyo
Ludoqorets: Hendrik Bonmann, Anton Nedyalkov, Olivye Verdon, Diniş Almeyda, Son, Pedro Naressi, Deroy Duarte, Yakub Pyotrovski, Rik, Dua Kvadvo, Ruan Seko.
***
"Ludoqorets" - "Qarabağ" qarşılaşması start götürdü.
***
"Qarabağ" Juninyonun matçın 7-ci dəqiqəsində vurduğu qolla hesabı açdı: 0-1.
***
Duah 13-cü dəqiqədə meydan sahiblərinin bərabərlik qolunu vurdu: 1-1.
***
"Ludoqorets" görüşün 22-ci dəqiqəsində Duahın penalti zərbəsi ilə hesabda önə keçdi: 2-1.
***
"Qarabağ" matçın 45-ci dəqiqəsində Benzianın penaltidən vurduğu qolla hesabı bərabərləşdirdi: 2-2.
***
Andrade ilk hissənin son saniyələrində vurduğu qolla komandasını hesabda önə keçirdi: 2-3.
***
90 dəqiqə ərzində ümumi hesab bərabər olduğu üçün əlavə 30 dəqiqə oynanılacaq.
***
Əlavə vaxt oynanılır.
***
Toral Bayramov 93-cü dəqiqədə "Qarabağ"ın dördüncü qolunu vurdu: 2-4.
***
Cica 111-ci dəqiqədə komandasının beşinci qoluna imza atdı: 2-5.
***
Andrade 112-ci dəqiqədə altıncı qolu vurdu: 2-6.
***
Benzia 118-ci dəqiqəsində özünün ikinci, komandasının yeddinci qolunu vurdu: 2-7.
***
"Qarabağ" Bolqarıstan səfərində "Ludoqrets"i 7-2 məğlub edərək pley-off mərhələsinə vəsiqə əldə etdi.
