Avropa Super Liqası UEFA-nı məhkəməyə verir
Dərc olunub:
8-02-2024, 16:09
Avropa Super Liqası UEFA-ya qarşı 3,5 milyard avroluq iddia qaldırmağı düşünür.
Bu barədə İspaniyanın AS nəşri məlumat yayıb.
Superliqanın təşkilatçıları hesab edir ki, turnirin startı UEFA-nın təzyiqi səbəbindən təxirə salınır və bu, ciddi itkilərə səbəb olur. 2021-ci ildə “JP Morgan” bankından götürülən kreditin faiz dərəcəsi 2,8-dən 6,3-ə yüksəlib.
3,5 milyardlıq məbləğə həmçinin Superliqa oyunlarını göstərmək üçün televiziya hüquqlarının satışından itirilmiş mənfəət də daxildir. İtkilər 0,7 – 1,2 milyard avro qiymətləndirilir.
Superliqanın nümayəndələri hesab edirlər ki, UEFA Avropa İttifaqı məhkəməsinin qadağasına baxmayaraq, hələ də Avropa futbolunda inhisarçı mövqeyə malikdir.