ÇL: "Real" və "Milan" yarımfinalda!
Dərc olunub:
19-04-2023, 03:15
UEFA Çempionlar Liqasında 1/4 final mərhələsinin iki cavab matçı baş tutub.
Avrasiya.net xəbər verir ki, İspaniya “Real Madrid”i İngiltərə təmsilçisi “Çelsi”ni mübarizədən kənarlaşdırıb. İspaniya təmsilçisi öz meydanında olduğu kimi, səfərdə də 2-0 qalib gələrək yarımfinala yüksəlib.
İtaliya klublarının duelindən isə “Milan” üstün ayrılıb. A seriyasının lideri “Napoli”ni evdə yeganə qolla məğlub edən “rossonyerlər” səfərdə rəqibi ilə bərabərə qalıblar. Olivye Jiru 43-cü dəqiqədə hesabı açıb. Viktor Osimxenin 90+3-cü dəqiqədəki qolu “Napoli”ni məğlubiyyətdən qurtarmağa yetib – 1:1. Lakin ilk görüşdəki 1:0 hesablı qələbə sayəsində yarımfinala adlayan tərəf “Milan” olub.