Azərbaycanın üç karateçisi Dünya Oyunlarında iştirak edəcək
Dərc olunub:
12-03-2022, 11:14
Azərbaycanın 3 karateçisi ABŞ-ın Birminqem şəhərində (Alabama ştatı) keçiriləcək Dünya Oyunlarında iştirak edəcək.
Azərbaycan Milli Karate Federasiyasının Mətbuat Xidmətindən verilən məlumata görə, Dünya Karate Federasiyası (WKF) İrina Zaretska (68 kq), Asiman Qurbanlı (84+ kq) və Roman Heydərlinin (kata) yarışa qatılacağını təsdiqləyib.
Qeyd edək ki, Dünya Oyunları 7 - 17 iyulda gerçəkləşəcək. Karate yarışları 8-9 iyulda baş tutacaq.
