Doğu Akdeniz Universitetinin şahmat kapitanı Dünya Universitetlər çempionu oldu
Dərc olunub:
14-02-2022, 10:54
Doğu Akdeniz Universitetinin (DAÜ) şahmat komandası bu il ikinci dəfə təşkil edilən “Kasparov Chess Foundation University Cup – Kasparov Şahmat Vəqfi Universitetlər Kuboku”nda mübarizə aparıb.
DAÜ-dən verilən məlumata görə, 5-6 fevral tarixlərində 149 universitet və 691 idmançının qatıldığı universitetlərarası şahmat üzrə dünya çempionatı onlayn keçirilib.
DAÜ İdman İşləri Müdirliyi şahmat məşqçisi Tələt Şentürk komandanın kapitanı və həmçinin DAÜ Beşiktaşlılar Klubunun prezidenti, Əczaçılıq fakültəsinin 4-cü kurs tələbəsi Salih Uçucunün Dünya Universitetləri çempionu olduğunu açıqlayıb.
Salih Uçucu fərdi kateqoriyada keçirdiyi 9 qarşılaşmanın 9-da qalib gələrək, bu pilləyə yüksəlib.
