Tokio olimpiadasında daha 31 nəfərdə koronavirus aşkarlandı
Dərc olunub:
5-08-2021, 08:10
Tokio-2020 Yay Olimpiya Oyunlarında koronavirusa yoluxanların sayı artır.
Avrasiya.net Təşkilat Komitəsinin rəsmi saytına istinadən xəbər verir ki, son sutkada daha 31 nəfərin testi müsbət çıxıb. Virusa yoluxanlardan 1-i Yunanıstandan olan daha bir qadın idmançıdır.
Qeyd edilir ki, çərşənbə günü də virusa yoluxma hallarında yüksək – 29 yoluxma qeydə alınıb.
Bununla da Tokio-2020-də infeksiya aşkarlanan şəxslərin sayı 353 nəfərə çatıb. Qeyd edilir ki, iyulun 1-dən olimpiada üçün 543 min koronavirus testi götürülüb.
Yoluxmada əvvəlki maksimum göstərici avqustun 4-də qeydə alınıb. Həmin gün koronavirusa 29 yeni yoluxma aşkarlanıb.
Yay Olimpiya Oyunları avqustun 8-də başa çatacaq