Bir ailənin 6 üzvü tortdan zəhərləndi

Ağdamın Əfətli kəndində 1 ailənin 6 üzvü zəhərlənib.

Avrasiya.net xəbər verir ki, 1962-il təvəllüdlü Gülbuta Əsədova, 2001-ci il təvəllüdlü Elçin Əsədov, 2003-cü il təvəllüdlü Elvin Əsədov, 1993-cü il təvəllüdlü İsmayıl İsmayıllı, 2006-cı il təvəllüdlü Türkan Əsədova və 2006-cı il təvəllüdlü Nəzakət Piriyeva Ağdam rayon Mərkəzi xəstəxanasına zəhərlənmə əlamətləri ilə müraciət ediblər.

İlkin tibbi yardım göstərildikdən sonra onlar evə buraxılıblar. Onların tortdan zəhərləndiyi ehtimal olunur.

Azərbaycan Respublikasının Qida Təhlükəsizliyi Agentliyindən (AQTA) bildirilib ki, baş verən hadisənin səbəbləri, həmçinin qida zəhərlənməsi olub-olmaması ilə bağlı Agentliyin mütəxəssisləri ilə müvafiq qurumların əməkdaşları tərəfindən araşdırmalara başlanılıb. Araşdırmaların nəticələri ilə bağlı əlavə məlumat veriləcək