Şəmkirdə dəhşət: Məktəbli ürəyindən bıçaqlanaraq öldürüldü
Dərc olunub:
2-10-2024, 11:15
Oktyabrın 1-i Şəmkir rayonunun Mahmudlu kəndində bıçaqlanma hadisəsi baş verib. Məlumata görə, kənd sakini i İ. Abbasov qətlə yetirilib. Onun ölümünə görə həmkəndlisi A. Abbasov saxlanılıb.
Modern.az-ın əldə etdiyi məlumata görə, hadisə axşam saat 20 radələrində baş verib.
Öldürülən yeniyetmə 2008-ci il təvəllüdlüdür. O, Şəmkir rayon Mahmudlu kənd məktəbinin şagirdidir.
2007-ci il təvəllüdlü yeniyetmə onu ürək nahiyəsindən bıçaqlayıb. Məktəbli hadisə yerində həyatını itirib.
Saxlanılan şəxs peşə liseyinin tələbəsi olub.
Faktla bağlı Şəmkir rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanılıb, S.B (şərti) iş üzrə şübhəli şəxs qismində tutulub.
Hazırda ibtidai istintaq davam edir.
