Azərbaycanda bir gündə 4 nəfəri ildırım vurdu

Şəmkirdə də daha iki nəfəri ildırım vurub.

Avrasiya.net Report-a istinadən xəbər verir ki, Zəyəm qəsəbəsində qadını ildırım vuraraq öldürüb.

Rayon sakini D.Qurbanova ildırım vurması nəticəsində aldığı xəsarətlərdən dünyasını dəyişib.

Bundan əlavə, Yeni Həyat kəndində 1963-cü il təvəllüdlü Musayev Züriyyət Əli oğlunu da ildırım vurub. O, hadisə yerində dünyasını dəyişib.

Hər iki faktla bağlı araşdırma aparılır.

Qeyd edək ki, ötən gün ərzində qərb bölgəsində ildırım vurması nəticəsində daha bir nəfər ölüb, bir nəfər isə ağır xəsarət alıb