Oğuzda tövlə yanıb, 34 baş iribuynuzlu heyvan tələf olub
Dərc olunub:
26-02-2024, 08:22
Oğuz rayonunda içərisində 34 baş mal-qara olan tövlə yanıb.
Hadisə fermada, 64 yaşlı Yaşar Yusif oğlu Həsrətova məxsus ümumi sahəsi 260 kv/m olan tövlədə baş verib.
Yanğın zamanı tövlədə olan 1 000 ədəd ot bağlaması da yanaraq tələf olub. Hadisə yerinə Fövqəladə Hallar Nazirliyinin Oğuz Rayon Dövlət Yanğından Mühafizə Hissəsinin yanğınsöndürən texnikaları və şəxsi heyəti cəlb olunub.
Faktla bağlı araşdırma aparılır.
