İsmayıllıda ağır qəza: 5 hindistanlı yaralandı

İsmayıllıda yol qəzası baş verib, altı hindistanlı xəsarət alıb, ikisinin vəziyyəti ağırdır.

Avrasiya.net Report-a istinadən xəbər verir ki, hadisə rayonun Tircan kəndi ərazisindən keçən hissəsində qeydə alınıb.

Belə ki, "Mersedes Vito" markalı mikroavtobusun sürücüsü həmin yolda hərəkətdə olarkən gecə saatları olduğundan və yol nişanlarına məhəl qoymayıb. Nəticədə avtomobil yoldan çıxaraq aşıb.

Hadisə nəticəsində Hindistan əsilli 6 vətəndaş ağır dərəcəli bədən xəsarətləri İsmayıllı rayon Mərkəzi Xəstəxanasına aparılıb. Onlardan ikisinin vəziyyətinin ağır olduğu bildirilir.

Hazırda rayonun hüquq mühafizə orqanı əməkdaşları hadisə yerinə cəlb olunublar. Faktla bağlı araşdırma aparılır.

***

İsmayıllıda baş verən ağır yol qəzasında xəsarət alanların kimliyi bəlli olub.

Yol qəzasında beş Hindistan vətəndaşı - Nariş Govda, Kishoranjan, Naqeş Subramanya, Ballenahallı Hirannaian, Mysuru Basavaraju və bir Azərbaycan vətəndaşı Rəsul Mübariz oğlu Şirinov xəsarət alıb.

Yaralılar xəstəxanaya yerləşdirilib.

Daha öncə 6 hindistanlının yaralandığı xəbəri yayılmışdı.