Şəmkirdə ata-oğul küçədə döyüldü
Dərc olunub:
2-06-2023, 13:50
Şəmkirdə ata-oğul küçədə döyülüb.
Avrasiya.net "Report"a istinadən məlumat verir ki, hadisə rayonun "Üç yol" adlanan ərazisində qeydə alınıb.
Belə ki, Gədəbəy rayon sakinləri - 1977-ci il təvəllüdlü Ə.Qasımov və onun oğlu, 1999-cu il təvəllüdlü A.Qasımov mübahisə zəminində döyülərək müxtəlif bədən xəsarətləri alıblar.
Zərərçəkmişlər xəstəxanaya yerləşdirilib, vəziyyətləri kafi qiymətləndirilir.
Onların kim tərəfindən döyülməsi və mübahisənin başvermə səbəbləri araşdırılır
