Tovuzda qəza: baş çavuş öldü, gizir xəsarət aldı
Dərc olunub:
14-03-2023, 12:03
Tovuzda baş verən yol-nəqliyyat hadisəsi zamanı ölən və xəsarət alan şəxslər hərbçi olublar.
Avrasiya.net Oxu.az-a istinadən xəbər verir ki, hadisə yerində dünyasının dəyişən 1985-ci il təvəllüdlü Elçin Yaqubəliyev və xəsarət alan Vüsal Kərimov Strateji Obyektlərin Mühafizəsi Dövlət Agentliyinin əməkdaşlarıdırlar.
Baş çavuş Elçin Yaqubəliyev xidməti vəzifəsini yerinə yetirərkən onun idarə etdiyi avtomobillə “Mersedes-Benz” markalı avtomobil toqquşub.
Nəticədə E.Yaqubəliyev hadisə yerində ölüb, avtomobildə olan gizir Vüsal Kərimov isə xəstəxanaya yerləşdirilib.
Faktla bağlı cinayət işi başlanılıb, araşdırma aparılır.
