Siyəzəndə ağır qəza: 3 ölü, 2 yaralı
Dərc olunub:
11-02-2023, 18:34
Siyəzən rayonunda ağır yol qəzası baş verib.
Avrasiya.net xəbər verir ki, hadisə nəticəsində 2006-cı il təvəllüdlü Nihad Babək oğlu Abbasov və digər iki nəfər şəxs dünyasını dəyişib.
1992-ci il təvəllüdlü Nicat Kamran oğlu Məmmədov və 2006-ci il təvəllüdlü Rəvan Malik oğlu Abbasov müxtəlif dərəcəli bədən xəsarətləri ilə Siyəzən Regional Diaqnostika Mərkəzinə yerləşdiriliblər.
N.Abbasovun və digər iki şəxsin meyiti müayinə olunmaq üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Şabran rayon şöbəsinə təhvil verilib. Digər 2 nəfərin kimliyi dəqiqləşdirilir.
Faktla bağlı araşdırma aparılır.
