Ağstafada oğru ilə ev sahibi bir-birini baltaladı
Dərc olunub:
21-04-2022, 10:20
Ağstafada oğurluq etmək üçün evə girən şəxs baltalanıb.
Report xəbər verir ki, rayonun Köçəsgər kənd sakini, 1973-cü il təvəllüdlü S.Ələkbərovla evinə oğurluğa girən 2003-cü il təvəllüdlü K.Əlləzov arasında mübahisə yaranıb. Mübahisə zəminində ev sahibi ilə oğurluğa girən şəxs bir-birini baltalayıblar. Hər ikisi xəstəxanaya yerləşdirilib.
Ev sahibi S.Ələkbərovun vəziyyəti ağır, evə oğurluğa girən şəxsin vəziyyəti isə qənaətbəxş qiymətləndirilir.
Faktla bağlı araşdırmalara başlanılıb.
