Masallıda 7 il əvvəl itkin düşən qadın öldürülübmüş
Dərc olunub:
12-04-2022, 00:36
Masallı rayonunda 7 il əvvəl itkin düşən Səidə Fərhad qızı Cəfərovanın öldürüldüyü məlum olub.
Avrasiya.net Report-a istinadən xəbər verir ki, hadisə ilə əlaqədar qadının əmisi oğlu, Təklə kənd sakini, 1993-cü il təvəllüdlü Əfrayıl Əlisa oğlu Cəfərov şübhəli şəxs qismində saxlanılıb.
İstintaqın üzə çıxardığı fakt əsasında Səidə Fərhad qızı Cəfərovanın basdırıldığı ərazidə axtarış işləri aparılır. Hazırda kəndin arxa tərəfində çay kənarında axtarış işləri səbəbindən əraziyə giriş-çıxış bağlanıb.
Faktı Masallı Rayon Polis Şöbəsində təsdiq ediblər. Lakin əlavə məlumat verilməyib.